Mir hei am 9.Juli 2011 en wunderschöni CD Toufi uf em Hof vor Katrin und em Hans Gerber am Rösselerwuchenänd dörfe fiere .Ihne en grosse Dank hinger dri.
Ärdeschön isch es gsi we me id Halle gluegt hett.Chopf a Chopf oder besser gseit Füdle a Füdle si d'Gescht ghocket.Äng isch es gsi aber das hett niemert gstört.D'Houptsach isch gsi me isch derbie gsi.Über de Tume grächnet si zwüsche 700 u 800 Zuehörer i die Halle cho, das heisst nit au hei dinne Platz gha.Öpe 100 Persone hei dusse müesse hocke oder stah.
S'Ämmitalerchörli Burgdorf,s'Duett Müller Res,Fankhuser Peter begleitet vom Hans Dysli am Örgeli sowie s'10er u 11er Chörli hei üs gholfe schöni Lieder am Puplikum dar z'bringe
S'Trio Wahnsinn Mit der Rosina Kopp am Rolf Hauri sowie am Fritz Schmied hei uf bekannti Art und Wys am Puplikum Freud gmacht. Gäng wie gäng cha me da mit Stolz säge.Die spiele ja sit mängem mängem Jahr a üsem Konzärt u Theater zu Tanzmusig uf.
Der Hueber Urs hett de Lüt hinger der Bühni Gschänk dörfe überreiche.Öpis wo ihm chli uf em Mage gläge isch är aber suverän gmeischteret hett.
Katrin Hasler hett suverän dür dä ärdeschön Abe gfüehrt. Ou ihre hett dä Abe sehr gfalle.
Aber dass dä Alass so hett chönne düre gfüehrt wärde hetts natürli en super Leischtig vom Dirigänt Christian Hubacher brucht.Är hett üs zu dere grosse Leischtig gfüehrt.Mir hei aber kei Doping derzueh brucht.Wille u Fliss hei derzueh bitreit dass die CD >> Ä R D E S C H Ö N<< isch z'Schtand cho.
I aus Präsident möcht aune Mitwürkende a däm Alass ganz härzlich Danke.
